Купуялуулук саясаты
1. Жалпы жоболор
1.1. Бул Купуялуулук саясаты SYNAK+ платформасы колдонуучулардын жеке маалыматтарын кантип чогултарын, колдонорун, сактарын жана коргорун түшүндүрөт.
1.2. Платформанын колдонуучулары эки түрдүү:
- Мугалим — Google аккаунту менен катталып, тест жана оюн түзгөн колдонуучу.
- Окуучу — мугалимдин шилтемеси же QR коду аркылуу каттоосуз тест тапшырган же оюн ойногон колдонуучу.
1.3. Платформаны колдонуу менен сиз ушул Саясаттын шарттарын кабыл аласыз.
2. Кайсы маалыматтар чогултулат
2.1. Мугалимден:
- Google аккаунтунан келген маалымат: аты-жөнү, электрондук почтасы жана профилдин сүрөтү;
- интерфейстин тили;
- мугалим түзгөн тесттер, оюндар жана папкалар;
- тест же оюн түзүү үчүн жазылган тема же текст. Жүктөлгөн файлдан текст суроо түзүү үчүн гана алынат, файлдын өзү Платформада сакталбайт;
- төлөмдөн кийин банк картасынын маалыматтары Платформада сакталбайт;
- мугалим мекемеге мүчө болсо: ал мекемеге кошулганы, андагы ролу жана чакыруу үчүн берилген почта дареги.
2.2. Окуучудан:
- мугалим сураган маалымат: аты-жөнү, классы же мугалим кошкон башка талаалар;
- берген жооптору, жыйынтыгы жана тестке кеткен убактысы;
- мугалим тиешелүү жөндөөнү күйгүзгөн болсо: тест учурунда беттен канча жолу жана канча убакытка чыкканы;
- оюнда: жазган аты, тандаган командасы жана жооптору.
Окуучу Платформада катталбайт. Платформа анын почтасын же телефон номерин өзү сурабайт — мугалим ошондой талаа кошкон учурда гана.
2.3. Техникалык маалыматтар:
- IP дарек — ашыкча сурамдардан жана кыянаттык менен колдонуудан коргоо үчүн колдонулат. Мекемелер API аркылуу жиберген сурамдардын журналына да жазылат.
- Cookie файлдары — толук маалымат 6-бөлүмдө берилген.
3. Маалыматтар эмне үчүн колдонулат
3.1. Платформанын кызматтарын көрсөтүү үчүн: аккаунтка кирүү, тест жана оюн түзүү, шилтеме аркылуу бөлүшүү жана окуучулардын жыйынтыгын мугалимге көрсөтүү.
3.2. Тарифти, бирдиктерди жана мекеменин балансын эсепке алуу үчүн.
3.3. Платформанын коопсуздугу үчүн: ашыкча сурамдарды чектөө жана тест чынчыл тапшырылышын көзөмөлдөө.
3.4. Платформанын ичинде билдирүү жөнөтүү жана колдонуучулардын суроолоруна жооп берүү үчүн.
3.5. Платформа жеке маалыматтарды сатпайт жана жарнама үчүн колдонбойт. Платформада жарнама жок, колдонуучуну аңдыган тышкы аналитика куралдары да жок.
4. Маалыматтарды үчүнчү жактарга берүү
4.1. Платформа иштеши үчүн ишенимдүү техникалык кызмат көрсөтүүчүлөрдү колдонот: серверлерди жана маалымат базасын камсыз кылгандарды, суроолорду түзгөн жасалма интеллект кызматын. Аларга кызматты көрсөтүү үчүн зарыл болгон маалымат гана берилет. Мисалы, ЖИ кызматына тест же оюн түзүү үчүн мугалим жазган тема же текст гана жөнөтүлөт. Окуучулардын маалыматы ага жөнөтүлбөйт.
4.2. Окуучунун жыйынтыгын ошол тестти же оюнду түзгөн мугалим көрөт. Тест мекемеге таандык болсо, жыйынтыкты мекеменин жооптуу кызматкерлери да көрөт. Мекеме өз системасын API же webhook аркылуу туташтырган болсо, мекеменин тесттеринин жыйынтыктары ошол системага да берилет.
4.3. Мыйзамда каралган учурлардан башка учурда Платформа маалыматтарды эч кимге бербейт.
5. Маалыматтар канча убакыт сакталат
| Маалымат | Мөөнөт |
|---|---|
| Мугалимдин аккаунту, тесттери жана оюндары | Аккаунт өчүрүлгөнгө чейин жана мугалим өзү өчүргөнгө чейин |
| Окуучунун тесттеги жыйынтыгы | Тапшырылган күндөн тартып 1 жыл, андан кийин өзү өчөт. Мугалим аны мурдараак да өчүрө алат |
| Мекемедеги сессиянын жыйынтыгы | Тапшырылган күндөн тартып 1 жыл |
| Оюндун жыйынтыгы | 24 саат, андан кийин өзү өчөт |
6. Cookie файлдары
Платформа иштеши үчүн зарыл болгон cookie файлдарын гана колдонот. Жарнама же аңдуу үчүн cookie колдонулбайт.
| Cookie | Максаты |
|---|---|
| Кирүү сессиясы | Мугалимдин аккаунтка кирген абалын сактоо |
| NEXT_LOCALE | Тандалган тилди эстеп калуу (1 жыл) |
| Тест жана оюн белгиси | Окуучу бетти кайра ачканда тестти же оюнду токтогон жеринен улантуу; кирүү коду бар тестке кайра киргенде кодду кайра сурабоо |
| synak_ref | Чакыруу шилтемеси аркылуу келген колдонуучуну белгилөө |
| synak_next | Кирүүдөн кийин колдонуучуну керектүү бетке кайтаруу |
7. Маалыматтардын коопсуздугу
7.1. Маалыматтар шифрленген байланыш (HTTPS) аркылуу берилет.
7.2. Ар бир мугалим өз маалыматтарын гана көрө алат. Муну маалымат базасынын деңгээлиндеги кирүү эрежелери камсыз кылат.
7.3. Тесттин шилтемеси тарап кетсе, мугалим аны жокко чыгарып, жаңы шилтеме түзө алат.
8. Колдонуучунун укуктары
Сиз төмөнкүлөргө укуктуусуз:
- өзүңүз жөнүндө кайсы маалымат сакталганын билүү;
- маалыматтарыңызды оңдоону талап кылуу;
- аккаунтуңузду жана бардык маалыматыңызды өчүрүүнү талап кылуу;
- маалыматтарды иштетүүгө берген макулдугуңузду кайра алуу.
Бул укуктарды колдонуу үчүн 11-бөлүмдө көрсөтүлгөн дарекке кат жазыңыз. Окуучу өз жыйынтыгын өчүртүү үчүн тестти берген мугалимге да кайрыла алат.
9. Балдардын маалыматтары
Тест тапшырган окуучулардын арасында 18 жашка толо электер болушу мүмкүн. Окуучулар Платформада катталбайт, алардан мугалим сураган маалымат гана чогултулат. Мугалим окуучудан тест үчүн зарыл болгон маалыматты гана сурашы керек.
10. Саясаттын өзгөрүшү
Саясат өзгөргөндө жаңы нускасы ушул бетте жарыяланат.
11. Байланыш
Суроолоруңуз болсо: synakplus1@gmail.com